Sportistët shqiptarë dhe stafi i tyre që i shoqëron në Brazilin e largët shprehen optimistë për rezultate pozitive në Lojërat Olimpike që priten të çelen pas disa orësh në Rio.
Në një lidhje direkte në “Skype” për televizionin “News24”, sportistët dhe trajnerët e ekipit thanë se shpresojnë të bëjnë një paraqitje dinjitoze për vendin.
“Jemi gati për garë!”, tha Sidni Hoxha që garon në sportin e notit.
“Ekipi është vendosur në kushte shumë optimale. Poliklinika është e pajisur me të gjitha shërbimet. Jemi në dispozicion edhe me fizioterapinë tone, kemi marrë aparatura edhe nga Shqipëria. Kemi ndihmën edhe të mjekësisë italiane. Atmosfera këtu është e jashtëzakonshme. Kushtet janë të plotësuara, sportistët janë gati. Për sa përket të gjithë asaj propagande jo për sëmundjet infektive nuk ka problem. Këtu jemi shumë të shëndetshëm”,tha mjeku që shoqëron ekipin në Rio.
Ndërsa presidenti i Elez Gjoza foli për objektivat e peshëngritjes.
“Jemi shumë krenar si delegacion që përfaqësojmë Shqipërinë. Për peshëngritjen objektivi jonë është nga vendi i 3 deri të vendi i gjashtë. Gara do të tregojë gjithçka. Ne do të jemi shumë të kujdesshëm në mënyrë që asnjë nga ne të mos skualifikohet dhe të bëjmë një përfaqësim disnjitoz”,tha ai.
Gjashtë sportistë kuqezi do të marrin pjesë në Lojërat Olimpike Verore “Rio 2016”të.
Shqipëria do të konkurrojë me Luiza Gegën (atletikë), Nikol Merizaj (not), Izmir Smajlaj (atletikë), Sidni Hoxha (not), Briken Caljes peshëngritje) dhe peshëngritësen Evagjeli Veli.
Panorama
