Janë hapur sot për tu rinumëruar 64 kuti me vota të qarkut të Tiranës pas ankesës së PDIU-së dhe PS për numërim jo të saktë nga KZAZ-të. Deri më tani janë numëruar më shumë se gjysma e kutive (35) por Idrizi duket larg marrjes së mandatit pasi i rezultojnë vetëm 4 vota më shumë se sa më 25 qershor.
Gjithsesi edhe pse vazhdon procesi i rinumërimit, kreu i PDIU, Idrizi reagon në facebook duke sulmuar KQZ. Ai ankohet se po shpallen të pavlefshme fletë që kanë mbishkrime etnike.
Statusi i Idrizit
Komisioni Qendror i Zgjedhjeve, sapo e quajti të pavlefshme këtë votë të hedhur për PDIU-në, kur vullneti i qytetarit që e ka hedhur duket më se i qartë. Shenja X ishte atje ku duhet dhe po ashtu ka pasur dhjetëra fletë ku ka pasur fjalë të shkruara sikurse është rasti i kësaj flete, që u konsideruan të vlefshme. Pak ditë pasi tjetërkush reagoi ndaj gurit me emrin Filat në sheshin Skënderbej, po shohim që emri i qytetit çam të Margëlliçit po shqetëson anëtarët e KQZ-së. Kujt i dhemb syri nga fjala Margëlliç të shkruajtur aty?!
