Kreu i Komisionit Qendror të Zgjedhjeve, Ilirjan Celibashi ka dalë sot në një konferencë për media, teksa ka dhënë informacione lidhur me rinumërimin e kutive të votimit të qarqeve në Tiranë dhe Fier.
Ai ka thënë për mediat se procesi i rinumërimit për qarkun e Tiranës dhe Fierit do të zhvillohet tek Pallati i Sportit ‘Farie Hoti’.
Më tej, Celibashi dha detaje se sa njerëz kanë angazhuar për këtë proces.
“Kërkon përgatitje logjistike. Në një kohë rekord ia kemi dalë ta kemi gati infrastrukturën dhe kapacitete njerëzore për ta nisur këtë proces të hënën ose të martën e javës që vjen. Do zhvillohet tek Pallati i Sportit Farie Hoti.
Nuk mund të zhvillohet te Parku Olimpik për shkak të rrethanave objektive aty është parashikuar të zhvillohet kampionat europian i volejbollit dhe kemi qenë të detyruar të shikojmë një opsion tjetër. 99.9% procesi i sportit do zhvillohet tek Pallati i Sportit Farie Hoti. Për Tiranën, procesi i rinumërimit ka angazhuar 208 grupe numërimi ose 104 tavolina, për Fierin 46 tavolina ose 92 grupe numërimi.
Shkojnë gati 150 tavolina. Kemi rreth 6 herë më pak tavolina, do na duhet 6 herë më shumë kohë, për të numëruar dhe vlerësuar votat dhe për të bërë tabelimin e rezultatit. Kompetencë e plotë e KAS, do jetë KAS që do të vendosë mbi çdo elementë të këtij procesi, përfshirë edhe vlerësime mbi fletë të caktuara votimi”, tha Celibashi.
