Deputetët i rikthehen parlamentit, nesër seanca e parë! Të rinjtë në detyrë gjatë shtatorit
Nesër do të jetë seanca e parë plenare pas zgjedhje të 11 Majit, ku deputetët do t’i kthehen jetës parlamentare. Ligjvënësit e kësaj legjislature rikthehen nesër, më 29 maj, pas një shkëputje disa javore nga aktiviteti parlamentar për shkak të fushatës elektorale dhe zgjedhjeve.
Është parashikuar në orën 10:00, Konferenca e Kryetarëve, e thirrur nga kryeparlamentarja Elisa Spiropali, ndërsa në orën 12:00 pritet të nisë seanca plenare.
Në Konferencën e Kryetarëve pritet të diskutohet për kalendarin e punimeve të kuvendit për periudhën 29 maj – 8 korrik 2025.
Në kalendarin zyrtar është parashikuar të bëhen raportimet vjetore të të gjitha institucioneve publike, përfshirë edhe ato të drejtësisë.
Nga ana tjetër, në shtator, ligjvënësit aktualë do të duhet të ‘lirojnë’ vendin për deputetët e rinj të dalë nga zgjedhjet e 11 majit. Disa prej tyre janë rikonfirmuar për një mandat tjetër, por shumë emra s’do të jenë më në Kuvend.
