Ka rinisur numërimi i votave në Dibër pas 5-6 orë ndërprerje. Aktualisht po numërohen votat e qytetit të Peshkopisë. Të gjithë numëruesit kanë zënë vend në tavolinat e tyre dhe përfaqësuesit politik vëzhgojnë jashtë kordonit të sigurisë.
Siç edhe kemi raportuar në avantazh është kandidati i majtë, Muharrem Rama me mbi 1600 vota plus. Janë numëruar deri tani 44 kuti nga 118 që janë në total.
Janë 8 grupe numërimi gjithsej në KZAZ nr 19 të Dibrës dhe nëse procesi nuk ndërpritet sërish rezultati i votimit del brenda pasdites së sotme.
Kujtojmë se numërimi i votave filloi rreth orës 23:00 të së dielës dhe vazhdoi deri në orën 04:00 të mëngjesit të sotëm. Më pas u ndërpre me argumentin se të gjithë personat e angazhuar në këtë proces do të falnin Bajramin. /Opinion.al
Lexo edhe:
http://opinion.al/zgjedhjet-ne-diber-kryeson-kandidati-i-majte/
