Teksa Britania e Madhe është ende në kërkim të një marrëveshje për të realizuar procesin e Brexit, Franca dhe Gjermania kanë krijuar për herë të parë parlamentin e përbashkët.
Krijimi i këtij parlamenti ka për qëllim forcimin e marrëdhënieve mes dy shteteve si dhe synojnë ringjalljen e boshtit kryesor në Bashkimin Europian.
Ndërkohë, parlamenti franko-gjerman ka zhvilluar seancën e tij të parë. Gjermania dhe Franca kanë rënë dakord që ky Parlament të mblidhet 2 herë në vit. Parlamenti është i ndarë në mënyrë të barabartë mes dy shteteve, duke u përbërë nga 100 ligjvënës, 50 prej secilit vend.
Krijimi i këtij boshti vjen në periudhën jo shumë të favorshme për BE, pasi ende është në fazën e ndarjes nga Britania.
Nga ana tjetër, kryeministrja britanike Theresa May, po përpiqet të bind deputetët për të arritur një marrëveshje sa më shpejtë për çështjen e Brexit./ Opinion.al E.Xh.
