Ish-deputetja e Partisë Demokratike Jorida Tabaku ka denoncuar ditën e sotme kryeministrin Rama.
Sipas saj Rama i ka falur Safet Gjicit 37 milionë dollarë për rindërtimin e objekteve të dëmtuara nga tërmeti.
Nëpërmjet një videoje të postuar në llogarinë e saj në “Facebook”, Tabaku shprehet se qeveria i kanë dhënë këto para për interesa të Gjicit dhe nuk u ofron asnjë paketë ndihme qytetarëve.
“Taksat e shqiptarëve Edi Rama ia fal Safet Gjicit për interesa elektorale të PS, ndërsa shqiptarët rrinë në qiell të hapur. Më kot presin shqiptarët paketë ndihme nga Rama në kohë pandemie, paketë shpëtimi dhe rindërtimi. Rama taksat e tyre i çon në xhepin e Safetit për të blerë nevojtarët dhe për t’u pasuruar”.- ka shkruar ish-deputetja.
Ish-deputetja Tabaku ndër të tjera u bën thirrje qytetarëve që më 25 prill t’i jepet fund kohës së abuzimit me taksat e shqiptarëve dhe sipas saj, atyre që për 7 vjet vodhën buxhetin madje dhe në kohë fatkeqësie.
“Në 25 prill do ti tregojmë vendin hajdutëve të fatkeqësisë. Atyre që për 7 vjet vodhën buxhetin edhe në kohë fatkeqësie. Së bashku do të hapim një kapitull të ri për vendin! T’i japim fund kohës së Gjicëve dhe abuzimit me taksa në kurriz të shqiptarëve! Rama është arsye e thellimit të krizës përmes keqmanaxhimit dhe vjedhjes në kohë pandemie, një hajdut edhe në kohën e një flame të tillë!”- tha Tabaku./Opinion.al
