Një shtetas izraelit është ndaluar në aeroportin e Rinasit mbrëmjen e së dielës, pasi iu gjetëm me vete një shumë e madhe parash të pa deklaruara. Bahet fjalë për 250 mijë euro, të cilat janë zbuluar pas kontrollit të kryer nga shërbimet kufitar. Izraeliti me inicialet E.R kishte udhëtuar nga Moska për në Shqipëri, ndërsa mësohet se paratë i mbante në xhepin e xhaketës.
Sipas informacioneve të jozyrtare, mesohet se ai ka deklaruar qe me këto para do të hapte një klinikë dentare në Tiranë.
Njoftimi i policisë:
Rinas
Policia Kufitare sekuestron 250.000 euro
Shërbimet e Policisë Kufitare ne hyrje ushtruan kontroll fizik ndaj shtetasit izraelit E.R., 49 vjeç, lindur dhe banues ne Izrael.
Gjatë kontrollit në bashkëpunim me Doganën Rinas, shtetasit E. R., i cili udhëtonte nga Moska për në Shqipëri, iu gjetën një sasi valute në kartemonedha euro të padeklaruara në degën e Doganës Rinas, shuma prej 250.000 Euro.
Materialet do t’i kalojnë Prokurorise se Rrethit Gjyqesor Tirane për veprime të metejshme, në ngarkim të shtetasit E.R, për veprën penale “Mos deklarimi në kufi i të hollave dhe sendeve me vlerë”.
