Nënkryetarja e PD, Jorida Tabaku ka reaguar lidhur me rimbursimin e ilaçeve për personat që u infektuan me COVID-19.
Nëpërmjet një postimi në rrjetet sociale, Tabaku shkruan se qytetarët shqiptarë kanë shpenzuar 30 mln euro për ilaçe, por qeveria i ka rimbursuar vetëm 231 mijë euro.
Sipas saj, as 1% e vlerës së harxhuar nuk ka shkuar për të ndihmuar qytetarët. Tabaku shkruan se qeveria “Rama” ka pasuruar veten dhe ka braktisur qytetarët.
Reagimi i Tabakut
Shqiptarët kanë shpenzuar 30 mln euro për ilaçe dhe mjekime gjatë pandemisë ndërsa qeveria i ka rimbursuar qytetarëve vec 231 mijë euro.
As 1% e vlerës së harxhuar nuk ka shkuar për të ndihmuar qytetarët.
Fytyra e vërtetë e një qeveria që politikën nuk e përdor për ti shërbyer qytetarëve por tu pasuruar vete, të braktisur dhe në fatkeqësi!
Jemi vendi me varfërinë më të lartë në rajon, dhe me pagat më të ulëta. Kjo nuk mund të jetë manyra se si qeveriset vendi ynë./ Opinion.al
