Tre liderët e iniciativës “Ballkani i Hapur” Edi Rama, Aleksandër Vuçiç dhe Dimitar Kovaçevski do të takohen të hënën në Shkup në takimin e rradhës të iniciativës “Ballkani i Hapur”.
Nga burime mediatike në Shkup pritet nënshkrimi i Marrëveshjes për Tregun e Përbashkët të Punës mes tre shteteve anëtare të kësaj iniciative.
Marrëveshja për procedurën doganore të Serbisë dhe Maqedonisë së Veriut të nisë nga zbatimi më 1 Shkurt për diçka që ta bëjë sa më të thjeshtë tregtinë ndërmjet vendeve anëtare në kuadër të Iniciativës “Ballkani i Hapur”.
Paneli i liderëve do të mbahet në orën 9:40, ndërsa në orën 11 është caktuar takimi i tyre me përfaqësues të organizatave ndërkombëtare.
Konferenca për media e liderëve të Ballkanit Perëndimor do të mbahet në ora 12:15. Krahas takimit në kuadër të “Ballkanit të Hapur” në Shkup do të ketë edhe një takim tjetër më të zgjeruar ku do të marrin pjesë të gjitha shtetet e rajonit ku do të diskutohet për Planin e Rritjes të ofruar nga BE-ja.
Në këtë takim përveç liderëve të Ballkani Perëndimor, merr pjese edhe Drejtori i Përgjithshëm i Drejtorisë së KE-së për Fqinjësinë dhe Negociatat e Zgjerimit, Gert Jan Kopman, Ndihmës Sekretari i Shtetit për Evropën dhe Euroazinë, James O’Brien dhe përfaqësues të Këshillit për Bashkëpunim Rajonal, CEFTA dhe Forumit të Investimeve të Perëndimit Dhoma e Ballkanit, USAID, si dhe nga disa institucione financiare ndërkombëtare./ Klan News
