Kryetari i Partisë Demokratike, Lulzim Basha ka folur në lidhje me votimin e parlamentit holandez për pezullimin e vizave me Shqipërinë.
I ftuar në “Ora News”, Basha e cilësoi pezullimin e vizave me Shqipërinë si një akt i rëndë, dhe kjo është përgjegjësia e qeverisë “Rama”.
Sipas tij, vendimi i parlamentit holandez nuk ishte kundër shqiptarëve, por kundër kryeministrit Edi Rama.
Kryedemokrati theskon se vitet e fundit krimi në vend është rritur gjë e cila ka sjellë probleme në shtete të tjera.
Basha thekson se problem e krimit kanë ardhur pasi janë mbështetur vazhdimisht nga qevria “Rama”.
“Pse kanë kërkuar vendosjen e vizave? Ky nuk është një akt racizmi ndaj shqiptarëve, por një akt mos besimi ndaj qeverisë shqiptare.
Arsyeja është rritja e kriminialitetit dhe rritja e tyre ekonomike me bazë në Shqipëri. Droga është një problem i madh. Me paratë e drogës nga Amerika Latine këto banda janë bërë të fuqishme. Madje po pastrojnë paratë në këtë vend.
Kjo që ka ndodhur sot është e rëndë. Pse ndëshkohet Shqipëria? Po ndëshkohet qeveria shqiptare. Kriminelët kur vinë këtu nuk futen në burg por bëhen biznesmenë.
Krimi shqiptar është në mënyrë sistematike. Kjo është problem për vendet e tjera. Këtu kemi një shtet i kapur nga krimi, e kapur ekonomia, e kapur politika dhe sistemi zgjedhor.
Domethënia e dytë, 9 vite më parë kishte një qeveri që i hoqi vizat e shqiptarëve. Po të shikosh raportet Shqipëria nuk nxihet po lëvdohet për luftën kundër krimit. U hoqën vizat u dhamë dinjitet shqiptarëve.
E treta, një shtet që po i pezullohen vizat do i hapen negociatat? Nëse nuk ka ndryshim të thellë nuk do të hapen negociatat. Shqiptarët do të paguajnë faturën e ortakërisë së Edi Ramës me krimin”, tha Basha./ Opinion.al E.Xh.
