Është zbardhur platforma përmes të cilës kreu i Grupit Parlamentar të Partisë Demokratike, Enkelejd Aliebaj, propozon disa opsione për zgjidhjen e krizës dhe bashkimin e Partisë Demokratike.
Në platformë theksohet rikthimi në parti i anëtarëve të Grupit Parlamentar të përjashtuar apo pezulluar nga grupi me vendim të Këshillit Kombëtar të datës 12 janar 2022, si anëtar me të drejta të plota.
Po ashtu theksohet shmangia e gjuhës së urrejtjes, shantazhit, përçarjes, fyerjes dhe arrogancës mes demokratëve dhe i bëhet thirrje secilit anëtar të Partisë të reflektojë dhe të heq dorë nga çdo pozicionim i deritanishëm përçarës mes demokratëve.
Ndërsa një tjetër pikë është anulimi i çdo procesi të njëanshëm riorganizimi apo ngritje e strukturave lokale të partisë, duke shtyrë në një kohë të përshtatshme që përcaktohet në përputhje me rregullat e caktuara në dokument.
Po ashtu Alibeaj propozon që grupi parlamentar të ngrejë një grup pune të përbashkët për hartimin dhe zbatimin e një të plani të detajuar për realizimin e bashkimit të partisë.
” Grupi Parlamentar ngre një grupi pune të përbashkët për hartimin dhe ndjekjen e zbatimit të planit të detajuar për realizimin e bashkimit të partisë (nga baza në qendër). Grupi i Punës propozon rregullat dhe kalendarin e procesit, si dhe planin e detajuar të riorganizimit të strukturave të partisë nga poshtë-lart, të cilat miratohen në një mbledhje të posacme të Grupit Parlamentar.
Grupi i Punës i ngritur nga Grupi Parlamentar përcakton strukturat zbatuese të këtij plani ribashkimi. Zbatimi i këtij plani administrohet tërësisht në qendër nga GPPD, kurse në nivel dege dhe ne nivel grupseksioni, realizohet nga grupe pune të përbashkëta të monitoruara nga GPPD. Detyrat e secilit grup, në nivel dege apo grupseksioni, realizohen sipas këtyre hapave konsekutivë:
Grupi Parlamentar ngre grupe pune për nisjen e një fushate ndërgjegjësuese në bazë me qëllim bashkimin mes demokratëve, si dhe përgatitjen e partisë për zgjedhjet e ardhshme lokale”, thuhet më tej në dokument.
