Bota

Rikthehet vala e nxehtë në Evropë, temperaturat do të kalojnë 40 gradë


               Publikuar në : 15:10 - 23/07/19 |
xhu lia

Temperaturat përvëluese kanë përfshirë sërish Evropën. Sipas mediave të huaja në Francë për shkak të temperaturave ekstreme është vendosur alarmi portokalli.

Temperaturat pritet të arrijnë deri në 45 gradë Celcius gjatë kësaj jave në Paris. Aktualisht autoritetet janë duke zbatuar planin e emergjencës, ku një ndër masat është hapja për kalimtarët e hapësirave me ajër të kondicionuar në brendësi të ndërtesave publike.

E njëjta situatë është edhe në vende të tjera si Britani e Madhe, Spanjë e Portugali ku njerëzve u është kërkuar të mos dalin në orët e pikut.

Por duket se jo vetëm Evropa po përballet me këto temperatura ekstreme. Edhe në SHBA dhe Kanada situata është e  njëjtë, ku të paktën 6 persona kanë humbur jetën. Në të gjithë vendin, aktivitetet sportive dhe festivalet janë anuluar.

Shërbimi Kombëtar i Motit ka bërë të ditur se temperaturat edhe pse shënojnë 40 gradë, japin ndjesinë e 43 gradëve për shkak të lagështirës.

Kujtojmë se vetëm më pak se një muaj më parë për shkak të të nxehtin ekstrem në Francë humbën jetën 8 persona.

Vala e të nxehtit do të zgjasë edhe për disa ditë, pasi po afrohet një rrymë e ftohtë ajri, e cila pritet të sjellë shira dhe stuhi./Opinion.al/

Pas