Bota

Rikthehet vala e COVID-19 në Veneto të Italisë


Bëhu pjesë e Grupit Zyrtar të Opinion.al
>> KËTU <<
               Publikuar në : 07:51 - 04/07/20 |
Opi Nion

Guvernatori i Venetos, Luca Zaia u ka bërë thirrje autoriteteve dhe qyetarëreve që të marrin masa për parandalimin e një vale të dytë të koronavirusit.

Teksa iu referohet numrit të infektimeve të ditëve të fundit, Zaia u shpreh se “Po hedhim në plehra 4 muaj masash”.

Reagimi i guvernatorit erdhi pasi njoftua se indeksi R që mat epideminë e koronavirusit ka kaluar ditët e fundit nga 0.43 në 1.63. Vatra të shumta po dalin përditë në këtë rajon të Italisë, nga të parët që u godit nga pandemia në javët e para të vitit, ndoshta edhe më herët.

Një nga vatrat më shqetësuese vjen nga një lokalitet pranë Vicencës, ku rreth 90 persona janë nën hetim epidemiologjik pasi një menaxher i një sipërmarrje të produkteve metalike ishte kthyer nga Serbia, vend ku kishin një degë. Ai bashkë me kolegët e tij kishin rënë në kontakt me një person të zonës, i cili doli i infektuar.

Menaxheri ishte kthyer në Itali me 25 qershor, kishte marrë pjesë dy ditë më vonë në një varrim dhe më pas në një ditëlindje. Ndërsa dy ditë më vonë ai ndieu simptomat  e para, temperaturë, kollë, dhe vështirësi në frymëmarrje.  Pas këtyre simptomave, menaxherit iu bë testi për COVID-19, ku rezultoi pozitiv.

Por, edhe pse mjekët i kërkojnë të shtrohet në spital, menaxher refuzon dhe nuk pranon as të mbyllet në shtëpi.

Ky veprim ka skandalizuar autoritet e Venetos, dhe për këtë arsye guvernatori Zaia ka deklaruar se do miratojë një rregullore që parashikon se  kush refuzon shtrimin në spital mund të merret me forcë nga autoritetet ligjzbatuese për t’u kuruar./ Opinion.al

Pas