Rreth orës 02:00 pas mesnate në drejtim të banesës së shtetasit Arjan Aliço në Lushnje, është qëlluar me breshëri automatiku. Nga të shtënat me armë nuk ka pasur persona të lënduar edhe pse brenda kanë qenë gruaja dhe vajza e Arjan Aliços. Drejt banesës është qëlluar me rreth 50 plumba kallashnikovi.”Plumbat kanë prekur gjithë shtëpinë”, rrëfen Alma Aliço. Plumbat kanë prekur edhe banesën e një të moshuare e cila shprehet se është terrorizuar.
Arjan Aliço, 54 vjeç është një emër i njohur, pasi ai ka qenë anëtar i bandës së Aldo Bares dhe një prej “ushtarëve” të tij më të besuar.
Ai aktualisht ndodhet në burg, ku vuan dënimin për një ngjarje kriminale të ndodhur në vitin 2016. Policia ka shkuar që në vendin e ngjarjes ka nisur hetimet për këtë ngjarje të rëndë.
