Një 82 – vjeçare, e cila besohej se kishte vdekur prej më shumë se 40 vitesh, u shfaq papritur në derën e të bijave.
Gruaja ra në koma pasi u pickua nga një gjarpër, por u përmend kur familja e saj, që besonte se kishte vdekur, e hodhi në një lum.
Sot 82 – vjeç, gruaja e identifikuar me emrin Vilasa tha se kur u shpëtua nga peshkatarët nuk mbante mend emrin dhe jetoi larg familjes për 40 – vjet, derisa papritur nisi t’i rikthehej kujtesa.
Historia e saj nisi në 1976 – ën, kur shkoi për të punuar në arë në fshatin Inayatpur, të Indisë. Ajo u pickua nga një kobra e zezë dhe u dërgua tek një mjek popullor në fshatin fqinj.
Pasi nuk mundi ta shpëtonte, ai e shpalli të vdekur dhe trupi i saj u hodh në lum, në një ceremoni sipas traditës.
Por Vilasa u gjet nga peshkatarët e zonës, që kuptuan se ajo ishte ende gjallë. Ata e dërguan gruan në një tempull ku ajo u zgjua, por nuk mbante mend asgjë dhe për pasojë qëndroi aty.
Vajzat e saj Ram Kumari dhe Munni, duke folur për mediat e zonës u shprehën të habitura kur panë nënën e tyre para derës së shtëpisë.
Ato e njohën nga një shenjë që kishte që në lindje./tvklan.al
