Monica Lewinsky rikujtoi dje gjatë një programi televiziv në Australi sesi ra në dashuri me presidentin Bill Clinton. Ajo ka ndarë me audiencën poshtërimin që ju bë asaj pasi çështja u bë publike.
Ish sekretarja e Shtëpisë së Bardhë, u hoq nga puna pasi u bë e njohur marrëdhënia e saj më presidentin Clinton.
Lewinsky është rishfaqur vetëm 13 ditë para zgjedhjeve në të cilat kandidon gruaja e ishit të saj, Hillary Clinton.
Skandali i vitit 1998 e ka bërë atë një ndër viktimat e para të botës së internetit, madje 43 vjeçarja ka pranuar se në atë kohë kishte menduar edhe vetëvrasjen.
“Në moshën 22 vjeç rashë në dashuri me shefin tim dhe kur mbusha 24 vjeç mësova për pasojat shkatërrimtare. Nuk kalon një ditë që nuk më vjen në mendje gabimin im dhe më vjen keq thellësisht për atë gabim” –është shprehur ajo.
