Një zjarr masiv ka rënë në zonën pyjore afër Sartit, Sithonia në gadishullin e Halkidikisë në Greqi rreth orës 05:40 të mëngjesit të sotëm.
Media lokale HalkidikiNews.gr raporton se reth zjarri ka përfshirë një hapësirë prej tre kilometrash dhe shuarja e flakëve është bërë e pamundur pavarësisht ndërhyrjes në kohë të 60 zjarrfikësve me 30 automjete dhe katër avionëve.
Në 8 të mëngjesit zjarri u afrua në zonate banuara pranë Sartit dhe tymi i zi mbuloi fshatrat përreth, ndaj u urdhërua evakuimi i menjëhershëm i bajorëve nga shtëpitë. Policia ndërkohë ka ndalur trafikun në rrugën provinciale Agios Nikolaos – Sarti.
Rreth orës 10:00 situata është rënduar pasi zjarri është bërë i pakontrollueshëm prej erërave të forta që fryjnë në këtë rajon.
“Situata është e pakontrollueshme, pavarësisht betejës së zjaarrëfikësvt dhe mjeteve ajrore. Zjarri ka djegur sipërfaqe pyjore mbi Sartin, por nuk ka rrezik për fshatrat përreth”, tha kryetari i komunës së Sithonias, Kyparissis Ntemplas.
