Rikthehet hakmarrja në Lazarat. Rreth orës 02:30 të ditë së sotme i është vendosur tritol banesën së Adem Selimit.
Mësohet se banesa ku u vendos tritoli është e babait të një prej të dënuarve nga fshati Lazarat për vrasjen e efektivit të RENEA-s, Ibrahim Basha.
Policia njoftoi se nga shpërthimi nuk ka të lënduar, por vetëm dëme materiale. Grupi hetimor po punon për zbardhjen e plotë të rrethanave të ngjarjes si dhe identifikimin dhe kapjen e autorëve.
Klodian Selimi, djali i Adem Selimit, është dënuar 13 vjet burg. Ai është një nga të pandehurit që bashkëpunoi me Prokurorinë për zbardhjen e ngjarjes, ku humbi jetën oficeri i RENEA-s Ibrahim Basha.
