Vëllezërit Jonas rikthehen në një bashkëpunim. Trioja e famshme e vëllezërve e përbërë nga Nick Jonas, 26 vjeç, Joe Jonas, 29 vjeç dhe Kevin Jonas, 31 vjeç, kanë publikuar hitin më të ri të titulluar “Sucker”.
Ata janë rikthyer pas 6 vitesh mungesë në tregun muzikor, pasi kishin vijuar karrierën solo gjatë kësaj periudhe. Videoja e shumëpritur muzikore i ka befasuar të gjithë pasi Jonas Brothers shfaqen me partneret e tyre të bukura, Danielle Jonas, Priyanka Chopra dhe Sophie Turner.
Ato shfaqen mjaft seksi me disa kostume të çuditshme të tipit “Eliza në Botën e Çudirave”, që vërtiten rreth një kështjelle dhe kopshti fantastik.
Grupi konfirmoi se do të rikthehej të enjten, por prezenca e partnereve të tyre ishte një surprizë më vete. Videoja ka marrë miliona klikime dhe shpërndarje nga fansat.
Ndërkaq kujtojmë se dasma e Jonas dhe aktores së famshme indiane, Priyanka Chopra ka qenë një ndër ngjarjet më të komentuara të mediave rozë në fund të vitit që lamë pas./E.M
