Një ekip i televizionit lokal në Kosovë, ATV, është sulmuar në Zveçan teksa ishin duke raportuar mbi situatën në Veri.
Mësohet se makina është sulmuar dhe ekipi ka marrë lëndime të lehta trupore.
Kujtojmë që ditën e sotme policia e Kosovës arrestoi në Mitrovicën e Veriut një prej organizatorëve të sulmeve ndaj KFOR-it.
“Policia e Kosovës sot ka arrestuar Milun Milenkoviç-Llune, një nga udhëheqësit e formacionit kriminal ‘Mbrojtja Civile’ dhe prijësin e bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës”, tha ministri i Brendshëm, Xhelal Sveçla në Facebook.
Gjatë këtij aksioni janë lënduar lehtë tre policë.
