Pas zhvillimit të zgjedhjeve, kreu i PD, Lulzim Basha ka zhvilluar ditën e sotme një takim me aleatët e tij.
Ende nuk është e qartë për çfarë është folur në këtë takim, ndërsa Fatmir Mediu dhe Mesila Doda nuk dhanë detaje se çafër u diskutua me kreun e PD.
Mediu tha se raporti paraprak i OSBE/ODIHR tregoi se zgjedhjet e djeshme nuk kanë plotësuar asnjë kusht, për të qenë të lira dhe të ndershme.
Të pyetur nëse hapi i radhës i opozitës do të jenë protestat kundër qeverisë “Rama”, Mediu dhe Doda u shprehën se një vendim i tillë ende nuk është marrë.
Por, theksuan se protestat janë mjetet demokratike të cilat mund të garantojnë lirinë e votës.
Mediu: Raporti i OSBE tregon se nuk është plotësuar asnjë kusht. Shqiptarët e dinë se çfarë ka ndodhur . Mendoj se çdo gjë që garanton zgjedhje të lira dhe të ndershme, duhet të vijohet.
Doda: Zgjedhjet e kësaj radhe vërtetuan qëndrimin tonë prej kohësh. Do nisni protestat? Besoj se kjo është një nga vendimet që do të merret në vijim./ Opinion.al E.Xh.
