Dy nga shtatë policët e pezulluar me kërkesë të Prokurorisë së Krujës janë rikthyer në detyrë nga Gjykata. Prokuroria e Krujës kishte kërkuar pezullimin nga detyra si dhe i kishte ndaluar daljen jashtë vendit 7 efektivëve të policisë.
Gjykata ka kthyer në punë efektivët Muharrem Celami dhe Kadri Daci, ndërsa la në fuqi kërkesën e prokurorisë për 5 të tjerët të cilët u pezulluan me vendim gjykate. Në detyrë janë rikthyer, Muharrem Celami, ndihmës/specialist për Rendin dhe Kadri Daci ndihmës/specialist për Rendin.
Ndërsa të pezulluar kanë mbetur Xhevair Babasi punonjës i Patrullës së Përgjithshme, Sabri Danaj ndihmës/specialist për Rendin, Nuri Sefa ndihmës/specialist për Rendin, Dervish Sana ndihmës/specialist për Rendin, Fatmir Beqaj punonjës i Patrullës së Përgjithshme.
Shërbimi për Çështjet e Brendshme dhe Ankesave pezulloi nga detyra dhe u ndaloi daljen jashtë vendit efektivëve të policisë së Krujës për disa akuza. Disa prej këtyre akuzave ishin favorizim të kultivimit të kanabisit, ndërtimeve pa leje, fshehje dhe manipulim të ngjarjeve, por edhe ngacmime seksuale të grave që shkonin në komisariat dhe denonconin burrat për dhunë./Opinion.al/
