Sikurse ishte njoftuar nga kryeministri Edi Rama, qeveria ka gati projektligjin për bastet sportive. Në ndryshim nga vitet e kaluara, bastet këtë herë do të luhen vetëm online, ndërsa 15% e parave do të investohen në sport dhe kulturë.
Sakaq, Ministria e Financave dhe Ekonomisë ka hedhur për Konsultim Publik projektligjin me titull “Për Lojërat e Fatit” në të cilin përcaktohen kushtet dhe mënyrat për vënien e basteve.
Kompanitë që do të marrin licencë duhet të kenë kapital mbi 20 mln lekë dhe përvojë mbi 3-vjecare në lojëra fati.
Dokumentacioni që duhet të kenë duhet të përmbajë origjinën e kapitalit që investohet, dëshminë e penalitetit të sipërmarrësit dhe numri punonjësve.
Për krijimin e garancive për fituesit e lojërave të fatit, Bastet sportive online do jetë të detyruar të ngurtësojnë në një llogari të veçantë bankare një fond prej 120 000 000 lekësh.
Bastet do të luhen vetëm në pajisje elektronike. Do të jenë operatorë të licencuar që do të kenë të drejtën për të t’u ofruar qytetarëve aplikacionin apo platformën nga ku mund të vihen baste. Ata mund të vendosin shuma ende të papërcaktuara parash nga telefoni, tableti apo faqet zyrtare të internetit dhe aplikacionet e programet që do të licencohen nga Autoriteti i Mbikëqyrjes së Lojërave të Fatit.
Pas fazës së Konsultimit Publik, projektligji do të kalojë për shqyrtim në komisionet parlamentaredhe më pas do të kalojë për miratim në parlament.
