Policia e Tiranës ka kërkyar zyrtarisht hapjen e dosjes dhe rikthimin e hetimeve për 4 të vrarët në protestën e 21 Janarit të vitit 2011.
Sipas një deklarimi të gazetarit Artan Hoxha në emisionin “Opinion” kjo kërkesë është bërë me qëllim që të evitohej parashkrimi i çështjes, çka do të pengonte kryerjen e hetimeve në vijim.
Hoxha u shpreh gjithashtu se sipas informacioneve të tij është kërkuar që çështja të hetohet nga SPAK.
“Nëse nuk hapej çështja deri në datën 21, rrezikonte që të parashkruhej dhe nuk kishte më mundësi për ta kryer hetimin. Me këtë që ka bërë policia i ka dhënë një afat 10 vjeçar hetimit të çështjes. Në dijeninë time është kërkuar që çështjen ta hetojë SPAK, jo prokuroria e Tiranës. Në kohën që ka ndodhur ngjarja, ka qenë Prokuroria e Krimeve të Rënda. Duke e hetuar SPAK, do të tentohet të shkohet edhe më lart”./Opinion.al
