Në Vuhan të Kinës, qyteti nga nisi shpërthimi i koronavirusit, janë rihapur fluturimet ndërkombëtare, duke i dhënë fund një moratoriumi tetë-mujor që nga shfaqja e rastit të parë me COVID-19.
Kina ndaloi fluturimet ndërkombëtare në mars ndërsa alarmi global u rrit në lidhje me përhapjen e Covid-19, por tani ka vendosur kryesisht virusin nën kontroll përmes kufizimeve të udhëtimit, testimeve dhe izolimeve.
Një fluturim i kryer nga kompania e Koresë së Jugut, T’way, u ul në aeroportin Ndërkombëtar të Vuhanit të mërkurën në mëngjes me 60 pasagjerë, raportoi transmetuesi shtetëror CCTV.
AFP raporton se zyrtarët me veshje të bardha, maska dhe termometra u panë duke kontrolluar pasaportat e pasagjerëve që mbërrinin.
Të gjithë pasagjerët ndërkombëtarë që mbërrijnë në Vuhan duhet të kalojnë një test brenda 72 orësh nga nisja, tha drejtori i Zyrës së Aviacionit Civil të Vuhan.
Kina ende ndalon hyrjen e shumicës së të huajve dhe ata që lejohen i nënshtrohen karantinës për dy javë.
Qytetet e tjera kryesore kineze – përfshirë Pekinin dhe Shangain – tashmë lejojnë fluturime të drejtpërdrejta ndërkombëtare, por kanë forcuar proceset e vizave dhe kontrollet shëndetësore./ Opinion.al
