Nëse kishte diçka romantike në fjalimin e reperit Drake, i cili ndër të tjera tregoi se “e dashuronte Rihannen që në moshën 22 vjeçare”, vajza e keqe Riri që ta shkatërronte në moment.
Ajo mori një pamje të habitur në fytyrë ndërkohë që reperi tregonte për sytë dhe veshët e gjithë botës ndjenjat e tij, dhe kur ky i fundit iu afrua për ta puthur në buzë, ajo iu shmang krejtësisht duke e devijuar në një përqafim të thjeshtë miqësor.
Por si të mos mjaftonte kjo, për t’u siguruar që artisti 29 vjeçar do ta merrte mesazhin, në momentin kur ishin ngjitur i tha disa fjalë që nuk i shpëtuan vigjilencës së kamerave. “Nuk ishte për të qeshur”, fjalë të cilat e lanë Drake tërësisht të ngrirë.
