Pas shkëputjes së saj nga muzika për pak kohë këngëtarja nga ishujt Barbados Rihanna ka zgjuar edhe më shumë kureshtjen e mediave rreth jetës së saj personale dhe profesionale.
Gjatë intervistave të ndryshme ajo ka qënë gjithnjë e rezervuar sa i përket jetën private. Por në intervistën e saj më të fundit për “Interview” Rihanna ka folur për lidhjen e saj, duke theksuar se është e dashuruar.
Më pas ajo është pyetur nëse është në planet e saj martesa: “Vetëm Zoti e di këtë gjë. Ne bëjmë plane dhe Zoti qesh, apo jo?”.
Gjithashtu ka shtuar se dëshira më e madhe që ka është të bëhet nënë. Rihanna ka treguar se lidhja e saj me Hassan Jameel është një ndër gjërat që i ka ndryshuar balancën mes jetës dhe punës.
“Dy vitet e fundit kam kuptuar se duhej të krijoja më shumë kohë për veten time, sepse kjo ndikon drejtpërdrejtë në shëndetin mendor. Nëse nuk je i lumtur nuk do të jesh i lumtur edhe nëse bën gjëra që ty të pëlqen t’i bësh. Do të dukej si një detyrim dhe unë nuk dua që puna të duket si detyrim. Karriera ime është qëllimi im dhe nuk duhet të duket si asgjë tjetër përveçse si një vend i lumtur. Unë kam nisur një marrëdhënie dhe kjo ka rëndësi për mua. Ashtu siç ushqej biznesin tim, duhej ta ushqej edhe këtë gjë. Do t’i lë të gjitha gjërat për dy ditë ose tre ditë. Tani në kalendarin tim ka një ‘P’ që do të thotë ditë personale. Kjo është një gjë e re”, -përfundon Rihanna.
Lidhja e saj me miliarderin Jameel ka nisur që në vitin 2017, por daljet e tyre bashkë kanë qenë të kufizuara.
