Pas ndërprerjes së seancës plenare për shkak të protestës së Opozitës, ka rifilluar përsëri seanca në Kuvend. Fjalën e ka marrë deputeti Erion Braçe i cili ka hedhur akuza të rënda për Bashën në lidhje me Rrugën e Kombit.
“Pikërisht ky njeri është kostoja më e madhe e çdo shqiptari. Padrejtësia nis në momentin kur ky njeri refuzon të dalë para drejtësisë, dhe është i vetmi që ka një akuzë në Kuvend, dhe ka refuzuar në mënyrë të qartë të dalë para organit të akuzës vetëm që të dalë i pafajshëm. Të bënte të paktën aktin formal të ndjesës, për çdo kuksian dhe çdo shqiptar, i cili ka paguar 1.3 miliardë euro në një rrugë e cila ende nuk ka mbaruar” – është shprehur Braçe.
