Një nga çiftet më të famshëm të Hollwoodit, Richard Gere dhe Alejandra Silva do të bëhen sërish prindër, vetëm 9 muaj pas ardhjes në jetë të djalit të parë të tyre.
Lajmi befasues u dha nga mediat e huaja, të cilat shkruajnë se Alejandra do të sjellë në jetë fëmijën e saj të tretë, pasi ka edhe një djalë nga martesa e saj e parë. Gjithashtu edhe aktori 70-vjeçar ka një djalë 19-vjeçar nga martesa me ish-bashkëshorten, Carey Lowell.
Çifti i njohur e bëri publike lidhjen në vitin 2015, ndërsa historia bëri bujë pasi dyshja kanë 35 vite diferencë dhe janë njohur në hotelin e ish-bashkëshortit të Alejandra./Opinion.al
