Aktualitet

Riatdhesimi i shqiptarëve nga kampet e ISIS, Çuçi takim me gjeneralin libanez


Bëhu pjesë e Grupit Zyrtar të Opinion.al
>> KËTU <<
               Publikuar në : 20:50 - 07/10/21 |
Opi Nion

Ditën e sotme ministri i Brendshëm, Bledi Çuçi, priti në një takim drejtorin e Përgjithshëm të Sigurisë së Libanit, Gjeneral Major Abbas Ibrahim dhe Konsullin e Përgjithshëm të Shqipërisë në Liban Marc Ghorayeb.

Ibrahim dhe Ghorayeb janë dy nga personat të cilët bashkëpunuan në operacionet për riatdhesimin e shqiptarëve që ndodhen në kampet e ISIS në Siri.

Çuçi është shprehur se opracionet për riatdhesimin e shqiptarëve nga kampten në Siri do të vijojnë, teksa nuk ka dhënë më shumë detaje lidhur me operacionet që do të zhvillohen në vijim.

 “Nder i veçantë të ritakohesha me Gjeneral Major Abbas Ibrahim, drejtor i Përgjithshëm i Sigurisë së Libanit dhe me Konsullin e Përgjithshëm të Shqipërisë në Liban Z. Marc Ghorayeb. Ata ndodhen në Tiranë për një vizitë dy ditore. I falenderova sërish për kontributin e jashtëzakonshëm që kanë dhënë për riatdhesimin e shqiptarëve nga kampet e ferrit në Siri. Mirënjohja jonë ndaj tyre do të mbetet e përjetshme. Me Gjeneralin dhe Konsullin, si dhe struktura tona të Policisë së Shtetit po vijojmë punën për riatdhesime të tjera nga ata që kanë mbetur ende pas. Janë operacione të vështira që marrin kohë, por tashmë kemi një përvojë të mirë dhe vendosmërinë e duhur për t’i shkuar deri në fund gjërave”, shprehet Çuçi./Opinion.al

Pas