Problemet me fenomenin e të vdekurve që rezultojnë ende në listat e zgjedhësve janë përsëritur edhe në këto zgjedhje.
Në shkollën ‘Isa Boletini’ në Vorë raportohet se në listat e zgjedhësve janë konstatuar emrat e personave të cilët kanë ndërruar jetë vite më parë. Një prej personave është identifikuar por emri për arsye etike nuk është bërë publik. Bëhet fjalë për shtetasin S.N i datëlindjes së vitit 1946 i cili rezulton të ketë ndërruar jetë 12 vjet më parë.
Kur u shpallën listat e zgjedhësve vetë Ministri Lleshaj tha se është bërë një punë shumë e mirë me listat shumëemërore të personave me të drejtë vote por mesa duket në Vorë ende “të vdekurit kanë të drejtë vote”. /Opinion.al
