Teksa ka përfunduar numërimi në 2 Bashki, atë të Vorës dhe të Rrogozhinës, ku PS ka dalë fituese, në selinë e Partisë Demokratike nuk ka asnjë reagim në lidhje me procesin zgjedhor.
Gazetari Enkel Xhankoli ka raportuar se PD nuk ka reaguar ende as për procesin e votimit, atë të numërimit apo për rezultatin në bashkitë Vorë e Rrogozhinë.
“Deri më tani nuk ka pasur asnjë reagim nga ana e PD. Nuk pati as mbrëmë deri në orët e vona në lidhje me numërimin ë Vorë, ku PD doli forcë e tretë. PD ka humbur edhe Rrogozhinën ku në këtë bashki doli forca e dytë që u kryesua nga PS. Deri më tani PD nuk ka komentuar as procesin zgjedhor, të numërimit apo rezultatin në këto dy bashki”, raportoi gazetari.
PD ka dalë forcë e dytë në bashkinë e Rrogozhinës ndërkohë nga rezultatet e deritanishme në Bashkinë e Shkodrës, Dibrës, Durrësit, Lushnjes dhe të Vorës, ku ka mbaruar numërimi rezulton të jetë forcë e tretë.
Megjithatë më vonë pritet që të ketë një reagim në lidhje me procesin zgjedhor dhe rezultatin e zgjedhjeve.
Ndërkohë të vetmet reagime të selisë blu kanë qenë ditën e djeshme ku PD ka vijuar akuzat ndaj PS dhe Shtëpia e Lirisë. Pika më e nxehtë kanë qenë problematikat e Vorës për shkak të komisionerëve, çështje për të cilën u bë edhe një kallëzim penal. Po ashtu, selia blu ka denoncuar me foto edhe për votime familjare në Vorë.
