Roger Federer ka arritur triumfin e 100-të sot në Dubai, ku mundi 6-4, 6-4 të riun grek Stefanos Tsitsipas në finale. 37-vjeçari zviceran ka fituar kështu kupën e njëqind në karrierë, duke u renditur i dyti në histori pas Jimmy Connors, i cili ka fituar 109 kupa.
“Sot po përjetoj diçka shumë të veçantë, jam shumë i lumtur. Pata mundësinë të arrij titullin e 100-të dhe jam shumë i lumtur që e bëra realitet. Është një ëndërr, nuk e di nëse Stefanos kishte lindur kur unë fitova titullin e parë”, tha ai me shaka pas ndeshjes. “Ai është një lojtar i shkëlqyer dhe ishte shumë e vështirë ndeshja me të. I uroj të gjithë të rinjve të kenë rezultate sa më të larta”, u shpreh Federer./Opinion.al
