Ditën e nesërme pritet të votohet në parlament një rezolutë e përbashkët në mbështetje të qeverisë së Kosovës.
Menjëherë pas mbledhjes së Konferencës së Kryetarëve, deputetja e PD Jorida Tabaku deklaroi se ditën e nesërme do të bien dakord për qëndrimet që PD ka pasur lidhur me rezolutën.
Në një dalje për mediat, ajo u shpreh se ka informacion se do të dalin me një rezolutë të përbashkët për çështjen e Kosovës.
Ndër të tjera, Tabaku theksoi se përjashtimi i deputetëve është i padrejtë dhe nesër duhet të jenë prezentë në një ngjarje kaq të rëndësishme.
“Përfaqësuesit e qeverisë dhe të parlamentit duhet të jenë mbështetës të qeverisë së Kosovës dhe qendrimeve zyrtare që mban parlamenti. Nga informacionet e fundit që unë kam duket se është duke u arritur një dakordësi për qendrimet që PD ka për të pasur të njëjtën rezolutë të Kosovës. Njëkohësisht, kërkuam që kjo do të jetë një seancë e përbashkët, dhe duhet të jenë dhe deputet e përjashtuar. Dhe heqja e këtyre deputetëve do të jetë e padrejtë për një çështje kaq të rëndësishme”./Opinion.al
