Organizata Botërore e Shëndetësisë deklaroi se po monitoron një variant të ri të koronavirusit të njohur si “Mu”, i cili u identifikua për herë të parë në Kolumbi në janar.
Mu, i njohur shkencërisht si B. 1.621, është klasifikuar si një variant që ka prioritet për studim, tha organizata globale e shëndetit të martën në buletinin e saj javor dedikuar pandemisë.
OBSH tha se varianti ka mutacione të cilat e bëjnë rezistent ndaj vaksinave dhe theksoi se duheshin studime të mëtejshme për ta kuptuar më mirë atë.
Variantet e reja të Covid-19 përbëjnë shqetësim pasi numri i personave të infektuar është rritur globalisht, sidomos me variantin shumë të transmetueshëm Delta që po infekton kryesisht personat e pavaksinuar.
Të gjitha viruset, përfshirë SARS-CoV-2 që e shkakton sëmundjen COVID-19, pësojnë ndryshime gjatë kalimit të kohës. Por disa mutacione mund ta bëjnë sëmundjen akoma më të rrezikshme pasi sfidojnë imunitetin e siguruar nga vaksinat./Opinion.al
