Deputetja e Partisë Demokratike, Jorida Tabaku, ka deklaruar ditën e sotme se droga në Shqipëri është përsëri shqetësim.
Me anë të një shënimi në rrjetin social Facebook, Tabaku ka publikuar një pjesë të raportit të Europol nga ku theksohet se Shqipëria mbetet një nga burimet kryesore të kanabisit bimor që trafikohet në BE.
Ajo shkruan se raporti i fundit i Europol vjen mbas raportit të DASH dhe mbas deklaratës së Prokurorit italian, Roberti, ku nënvizohej se kultivimi i drogës në Shqipëri është trefishuar.
Shënimi i plotë:
Droga përsëri shqetësim, e konfirmon Europol!
Prioritet në rrugën e integrimit europian kanë qënë e janë një udhërrëthyes që cdo qevri ka qënë e detyruar të ndjekë, pavarësisht programit e agendës që kishte. Deri në 2013, gjithmonë vinin në ulje detyrimet, dhe kjo qeveri është i vetmi rast ku detyrimet janë në rritje, e shqetësimi për drogën në rritje.
Raporti i fundit i Europol vjen mbas raporti të DASH, e mbas deklaratës së Prokurorit Italian Roberti që kultivimi i drogës është trefishuar në Shqipëri. Për cdo qeveri ky raport duhej të ishte shqetësues, e këmbanë alarmi që ato që thotë opozita, janë të reflektuara në cdo raport ndërkombëtar. Se droga po kthehet në shqetësim për fqinjët, droga po kthehet në pengesë për procesin e integrimit e droga po kthehet në burim të ardhurash kriminale për zgjedhjet.
Raporti i Europol thotë se:
• Prodhimi drogës, trafikimi dhe shpërndarja; Tregtia e drogës mbetet një nga format kriminale më të përhapura në BE. Më shumë se sa një e treta e grupeve kriminale aktive në BE janë të përfshira në prodhimin, trafikimin dhe shpërndarjen e llojeve të ndryshme të drogës. Shkalla e prodhimit industrial të drogës sintetike brenda vendeve të BE është zgjeruar dhe çimentuar në BE duke u kthyer në burim kryesor në shpërndarjen e saj në gjithë globin.
• Shqipëria mbetet burimi kryesor i kanabisit bimor që trafikohet në BE.
https://www.europol.europa.eu/newsroom/news/crime-in-age-of-technology-%E2%80%93-europol%E2%80%99s-serious-and-organised-crime-threat-assessment-2017
