Pak ditë më parë gazetari Artan Hoxha në studion e “Opinion” deklaroi se një ministër i qeverisë Rama, disa muaj më parë kishte shkuar me Klemend Balilin në Dubai.
Pas këtij lajmi është aluduar shumë në lidhje me emrin e ministrit që ka shkuar në Dubai. Një prej tyre i përmendur në media është edhe ministri i Drejtësisë, Ylli Manjani.
Ja çfarë shkruan ministri Manjani:
Përshëndetje,
Sipas disa analistëve portalistë dhe jo vetëm, paskam qenë në Dubai dhe me Klement Balilin.
Për të gjithë ju që keni interes, në Dubai skam qenë kurrë në jetën time! Me këtë person skam udhëtuar ndonjëherë as në furgon e as në avion! Udhëtimet turistike i bëj ekskluzivisht me familjen time!
Shpifja nuk ndihmon askënd! Mbetem përkrahës i fjalës së lirë edhe kur kjo është shpifje!
Por me rastin e të 7-tave (muajve të urdhër-arrestit ndërkombëtar) edhe njëherë tërheq vëmendjen: Ta arrestojë kush e ka në dorë! Ndoshta pas arrestimit mund tua thotë vetë ai se me kë ka udhëtuar në Dubai e kudo tjetër!
Mirupafshim deri në udhëtimin tjetër imagjinar..!
