Banorët e Thethit vazhdojnë të jenë kundër dhe të bëjnë rezistencë ndaj vendimit të qeverisë për prishjen e ndërtimeve pa leje.
Sipas asaj që bën të ditur gazetarja Emi Kalaja, këtë të premte, 11 korrik, disa banorë kanë qëlluar me shishe benzine, molotov, madje dhe armë në drejtim të fadormave.
U desh ndërhyrja e forcave të policisë për të qetësuar situatën. Pas kësaj policia ka shpallur në kërkim autorët që kanë qëlluar në drejtim të fadromave.
Aksioni për prishjen e ndërtimeve pa leje vazhdon, ndërkohë që siç shihet edhe nga pamjet e siguruara nga Tv Klan, banorët përplasen me punonjësit e IKMT.
Aksioni për shembjen e objekteve pa leje në Theth u iniciua nga kryeministri Edi Rama i cili denoncoi një kompleks vilash të ndërtuara në mënyrë ilegale, të përshtatura për strukturë akomoduese./ Tv Klan
