Kryeministri holandez, Mark Rutte, dha një shembull rigoroz por dhe të dhimbshëm të respektimit të masave të izolimit.
Rutte nuk e kishte parë dot nënën e tij në ditët e fundit të jetës pasi i ishte bindur masave të kufizimit që pengonin vizitat në qendrat për të moshuarit.
Rutte njoftoi se nëna e tij 96 vjeçare kishtë ndërruar jetë në një azil në Hagë, në 13 maj, gati dy muaj pasi qeveria mbylli të gjitha institucionet e tilla ndaj publikut.
“Kryeministri iu përmbajt të gjitha direktivave”, tha një zëdhënës i Rutte për gazetarët që e pyetën nëse ai kishte respektuar rregullat, duke mos e takuar nënën para se të vdiste.
Mediat holandeze raportuan se e ëma e kryeministrit nuk kishte vdekur nga Covid-19, pavarësisht se në qendrën ku jetonte kishte pasur raste me koronavirus./Opinion.al
