Rusia vijon sulmet ushtarake në Ukrainë, teksa vendet perëndimore kanë vendosur sanksione jo vetëm ndaj shtetit, por dhe ndaj Presidentit Vladimir Putin dhe Ministrit të Jashtëm Sergei Lavrov.
Lidhur me këtë konflikt ka reaguar edhe Kina, e cila shprehet se mbron sovranitenin e çdo shteti. Liu Xiaoming, përfaqësuesi special i qeverisë kineze për çështjet e gadishullit Korean mbrojti qëndrimin e mbajtur prej kohësh të Kinës, për ruajtjen e sovranitetit kombëtar të Ukrainës. Nga ana tjetër, Kina thekson se edhe Moska duhet “dëgjuar” në mënyrë që t’i hapet rrugë dialogut.
“Kina beson me vendosmëri se sovraniteti dhe integriteti territorial i të gjitha vendeve duhet të respektohen dhe mbrohen dhe qëllimet dhe parimet e (Kartës së OKB-së) të respektohen me seriozitet të vërtetë. Ky pozicion i Kinës është konsistent dhe i qartë dhe vlen njëlloj për Çështja e Ukrainës”, shkroi Liu Xiaoming.
“Respekti dhe ruajtja e sovranitetit dhe integritetit territorial vlen edhe për Ukrainën”, ishte një nga pesë pikat e qëndrimit të Kinës për krizën mes Moskës dhe Kievit, të paraqitur nga Ministri i Jashtëm kineze Ëang Yi në bisedat telefonike që pati me Përfaqësuesin e Lartë të BE-së, Josep Borrell, ministren e Jashtme britanike Liz Truss dhe Emmanuel Bonne, këshilltari diplomatik i Macron.
Pikat e tjera janë kërkesat legjitime të sigurisë së Rusisë, moderimi kundër përshkallëzimit, një zgjidhje diplomatike dhe një jo për rezolutat e OKB-së për përdorimin e forcës dhe sanksioneve, sipas Kapitullit VII.
