Menjëherë pas reshjeve të dendura të shiut që ra pasditën e sotme në kryeqytet, Bashkia e Tiranës ka nxjerr në aksion grupet moniturese për të evidentuar dëmet dhe marrjen e masave që situata të tilla të mos përsëriten.
Nga informacionet e para është bërë me dije se gjendja është normalizuar dhe rrugët që shfaqen problematika në qarkullim, sipas bashkisë, kanë mbërritur grupe pune për të normalizuar gjendjen, si dhe për të evidentuar arsyet se pse gjendja u përkeqësua kryesisht në ato rrugë.
Ndërsa, kreu i Bashkisë së Tiranës ka reaguar me një status në Twitter, pas përmbytjeve në Tiranë. Veliaj shkruan se se fatmirësisht nuk ka patur asnjë të lënduar.
Ai bën me dije se qyteti ka humbur shumë shtylla ndriçimi dhe pemë nga stuhia.
“Fatmiresisht asnje s’eshte lenduar, por humbem sh peme e shtylla ndricimi – do punohet naten per t’i zv. shumë shpejt”, shkruan Veliaj.
“Natyren s’e kontrollojme dot, sidomos stuhi bresheri ne Gusht. Por flm kolegeve te mire x rikuperimin ne kohe rekord”, vijon ai.
