Autoritetet në Dibër kanë dhënë informacion lidhur me situatën e shkaktuar nga reshjet e dëborës në këtë qark.
Mësohet se disa akse rrugore janë të pakalueshme, konkretisht : aksi rrugor Peshkopi-Maqellarë- Bulqizë: Bulqizë-Ura e Vashës-Qafë Murrizë; Peshkopi-Kuben-Kukës. Firmat e mirmëmbajtjes së këtyre akseve po punojnë intensivisht për hapjen e tyre.
Strukturat e Drejtorisë Vendore të Policisë Dibër, janë në gadishmëri për ti ardhur në ndihmë çdo përdoruesi rruge dhe apelon për drejtuesit e mjeteve që të mos qarkullojnë pa goma dimërore dhe zinxhirë duke shkaktuar trafik dhe bllokim rruge, të shmangin lëvizjet e panevojshme dhe të mos bëjnë manovra të rrezikshme në rrugë. Në rast nevoje për ndihmë, telefononi në numrin 112.
