Efektivët e Batalionit të Tretë të Këmbësorisë të Regjimentit të Këmbësorisë së Veriut të Forcës Tokësore kanë transportuar një fëmijë të sëmurë nga fshati Ostren i Bulqizës drejt spitalit të Bulqizës.
Lajmi është bërë i ditur nga Ministria e Mbrojtjes, përmes një postimi në rrjete sociale.
Mësohet se fëmija u transportua fillimisht me mjetin ushtarak të Batalionit të Tretë dhe më pas u krye kalimi në ambulancë për të vijuar drejt spitalit.
“Efektivët e Batalionit të Tretë të Këmbësorisë të Regjimentit të Këmbësorisë së Veriut të Forcës Tokësore kanë përfunduar me sukses operacionin për transportimin e një fëmije të sëmurë nga fshati Ostren i Bulqizës drejt spitalit të Bulqizës.
Fëmija u transportua fillimisht me mjetin ushtarak të Batalionit të Tretë, ku më pas u krye kalimi në ambulancë për të vijuar drejt spitalit.
Ky operacion është një shembull i përkushtimit dhe humanizmit të Forcave të Armatosura, të cilat qëndrojnë gjithmonë pranë qytetarëve në çdo situatë emergjente”, thuhet në njoftim.
