Temperaturat e ulëta dhe reshjet e dëborës që kanë vijuar në disa zona edhe gjatë natës e kanë bërë problematik qarkullimin në disa akse të vendit. Ndaj Autoriteti Rrugor Shqiptar me anë të një njoftimi të shpërndarë në rrjetin social, Facebook, lajmëron se në disa akse kryesore të vendit kalimi bëhet me zinxhir.
Sipas ARRSH në rajonin verior pavarësisht reshjeve të dendura të borës në akset kryesore nuk ka probleme me qarkullimin, ndërsa kalimi me zinxhir bëhet vetëm në 5 kilometrat e fundit të aksit Ura Çerenecit-Stebleve.
Në Rajonin Qendror kalohet me zinxhir vetëm në 8 kilometrat e fundit të aksit Librazhd-Steblevë. Ndërsa në Rajonin Jugor kalimi bëhet me zinxhir në rrugën Boboshticë-Dardhë, Korçë-Qafë Qarri-Ersekë nga kilometri 14-22./Opinion.al
