(Foto ilustruese)
I gjithë qarku i Kukësit është përfshirë nga reshje të dëndura dëbore me intensitet të lartë.Lartësia e borës në qytete arrin 8-12 cm.
Aktualisht të gjitha akset rrugore nacionale që përshkojnë qarkun e Kukësit janë të qarkullueshme por me vështirësi dhe me paisje dimërore.
Mjetet e firmave kontraktore janë në gadishmëri me kapacitet të plotë dhe po ndjekin situatën.
Raportimet e fundit nga Kukësi bëjnë me dije se në tunelin e Kalimashit trashësia e borës shkon në 15 cm, e njëjta situatë është edhe në Qafë Tobel dhe Qafë Lushë.
Ndërkohë në Qafën e Morinë trashësia e borës shkon në 16 cm, ndërsa në Qafë Prush dhe Valbonë 35 cm.
Në përgjithësi i gjithë qarku po furnizohet me energji elektrike me përjashtim të Njësive administrative Margegaj dhe Tropojë e Vjetër të Bashkisë Tropojë dhe fshati Pistë dhe njësisë administrative Malzi të Bashkisë Kukës.
Defektet janë në linjat e furnizimit të tensionit të lartë dhe të ulët(këputje telash)./oranews/
