Temperaturat e larta të këtyre ditëve do t’ua lenë vendin reshjeve të shiut që pritet të nisin mesnatën e së mërkurës duke u shoqëruar me një rënie temperaturash 7-8 gradë Celsius. Sinoptikanët parashikojnë se rrebeshet më intensive do të jenë në Shkodër, Lezhë, Tiranë, Durrës dhe Vlorë.
Megjithatë kjo situatë do të jetë kalimtare. E premtja risjell motin e kthjellët e të qëndrueshëm, ndërkohë që fillimjava vjen sërish me temperatura të larta deri në 37 gradë celsius.
Sipas sinoptikanëve ky ndryshim i motit është i zakonshëm në klimën mesdhetare për shkak të avullimit të lartë gjatë ditëve të nxehta.
