Një grup prej 29 republikanësh në Dhomën e Përfaqësuesve të SHBA kanë njoftuar planet për një projekt-ligj ku propozohen sanksione kundër Turqisë për ofensivën e saj në Siri.
Ligjvënësja Liz Çenei tha se Turqia duhet të përballet me “pasoja serioze për sulmin pa mëshirë ndaj aleatëve tanë kurdë” në rajon. Ky reagim vjen pasi Presidenti Donald Trump tha se shpresonte të ndërmjetësonte në konflikt.
“Nëse Turqia dëshiron të trajtohet si një aleat, ajo duhet të fillojë të sillet si një,” tha zonja Çenei në një deklaratë. “Ata duhet të sanksionohen për sulmet e tyre ndaj aleatëve tanë kurdë” shtoi ajo.
Turqia u zhvendos në Sirinë veriore të mërkurën pasi SHBA tërhoqi trupat amerikane nga zona.
Milicitë kurde të Forcave Demokratike Siriane (SDF) kontrollojnë zonat ndërkufitare por këto grupe Turqia i quan “terroristë” të cilët mbështesin një kryengritje anti-turke. SDF kanë qenë aleatët kryesorë të Shteteve të Bashkuara në betejën kundër grupit të Shtetit Islamik (ISIS) dhe thonë se janë “goditur me thikë pas shpinë” nga SHBA.
Zonja Cheney shtoi se “Kongresi ka pasur prej kohësh shqetësime në lidhje me bashkëpunimin e regjimit (të Erdoganit) me kundërshtarët e SHBA, si Rusia”. Por në reagimin e saj përmendet tërheqja e trupave amerikane.
“Presidenti Trump e bëri të qartë se nëse Turqia kalon vijën e kuqe në Siri, ai “do të shkatërronte plotësisht ekonominë e Turqisë” dhe ky projekt-ligj u jep Shteteve të Bashkuara mjetet për të mbajtur atë premtim,” shkruajti përfaqësuesi Xhodei Arrington.
Presidenti Trump mbrojti vendimin e tij për të tërhequr trupat nga rajoni madje duke thënë në një moment se kurdët “nuk na ndihmuan në Luftën e Dytë Botërore”.
Por që atëherë ai ka qenë kritik i fortë për ofensivën e Turqisë pas kritikave brenda dhe jashtë vendit.
Trump ka tha se sanksionet mund të vijnë nëse operacioni i Turqisë nuk është “njerëzor” – një vijë e kuqe kjo në rast të një spastrimi etnik, goditje me artileri artileri pa dallim të drejtuara ndaj popullatës civile.
Në një postim në Twitter ai tha se kishte tre zgjedhje për SHBA: “Të dërgojë mijëra trupa dhe të fitojë ushtarakisht, të godasë Turqinë shumë rëndë financiarisht me sanksione, ose të ndërmjetësojë një marrëveshje midis Turqisë dhe Kurdëve”. Presidenti më vonë u tha gazetarëve: “Shpresoj se do të jetë e fundit”.
Ekziston frika se operacioni i Turqisë mund të çojë në një spastrim etnik të kurdëve dhe të ringjallë ISIS. /Opinion.al
