Ndërsa liderët botërorë bëjnë thirrje për solidaritet në luftimin e koronavirusit, një dërgesë e qindra mijëra maskave të fytyrës nga Kina në Itali dyshohet se u konfiskua në Republikën Çeke dhe më pas u vodh, sipas mediave italiane.
Lajmet vijnë ndërsa Italia raporton rekorde të njëpasnjëshme të vdekjeve ditore nga koronavirusi, duke tejkaluar viktimat në Kinë, ku shpërthimi filloi në dhjetor.
Raporti fillestar i maskave të vjedhura u mbajt nga radioja shtetërore italiane Giornale Rai 1 (GR1), dhe u konfirmua nga e përditshmja La Repubblica.
Sipas të përditshmes, 680,000 maska u konfiskuan javën e kaluar nga qeveria çeke, e cila më pas mohoi incidentin. Por GR1 foli me studiuesin çek, Lukas Lev Cervinka, i cili mbështeti vërtetësinë e lajmit.
“Versioni origjinal zyrtar fliste për maska dhe respiratorë që u konfiskuan … dhe se këto iu vodhën kompanive çeke nga kriminelët që të mund t’i shisnin me një kosto më të lartë në tregun ndërkombëtar,” i tha ai radios GR1.
Cervinka, së bashku me një OJQ çeke, filmuan një kamion policie të mbushur me kuti të mbuluara me shkrim në kinezçe dhe italisht, duke treguar që maskat ishin një dhuratë për të ndihmuar popullin italian.
Ai tha se Ministria çeke e Shëndetësisë ishte kontaktuar, por i kishin qëndruar versionit të tyre fillestar se asgjë nuk kishte ndodhur deri sa e vërteta doli në media.
Sipas Cervinka, zyrtarëve qeveritarë iu deshën tre ditë për t’u përgjigjur para se të thoshin se ishin në kontakt me Pekinin dhe Romën për të arritur në fund të çështjes.
Praga po dërgon maska dhe respiratorë në Itali në përpjekje për të ndihmuar me situatën, tha Cervinka.
“Ky nuk është aspak një gjest solidariteti evropian. Është shumë e turpshme, “shtoi ai. /Opinion.al
