Organizata “Reporter pa Kufij” ka publikuar në raportin e saj të fundit kërcënimin e gazetarëve shqiptarë nga krimi dhe politika gjatë vitit 2018.
Në këtë raport janë përfshirë edhe 3 gazetarë, konkretisht Klodiana Lala e Neës 24, Alida Tota dhe Basir Collaku.
Raporti i vitit 2018 thotë se krimi i organizuar i ka shtuar kërcënimet ndaj gazetarëve dhe mediave. Ndërkohë që problem konsiderohen edhe ndërhyrjet politike.
Nga verifikimet bëra nga Reporterët pa Kufij, rezulton se disa prej të intervistuarve janë aktiualisht nën mbrojtjen e policisë.
Sipas raportit, mbi 30 gazetare në të gjithë botën janë vrarë nga organizata kriminale që prej nisjes së vitit 2017. Reporterët pa kufij kanë kanë disa muaj që kryejnë kërkime për realizimin e këtij raporti, përfshirë edhe intervista me gazetarë të piketuar, kolegët dhe familjarët e tyre.
“Krimi i organizuar nuk njeh kufij”-thotë raporti. Të paktën 10 gazetarë janë vrarë këtë vit në Brazil, Kolombia dhe Meksika. Kjo shifër mund të jetë shumë më e lartë, sepse kriminelët dhe politikanët shpesh bëhen aleatë kundër gazetarëve dhe pandëshkueshmëria mbretëron nëpër vende të ndryshme në botë.
Në Indi, Kamboxhia dhe disa vende afrikanë, grupet kriminale pasurohen duke thyer të gjitha rregullat e mjedisit duke vjedhur burimet natyrore. Gazetarët që kanë hedhur dritë mbi trafikimin e mineraleve, drurit dhe naftës janë të ekspozuar ndaj një rreziku të madh.
Në Europë janë vrarë dy gazetarë në lidhje me punën e tyre gjatë dy vieteve të fundit: Daphne Galizia iu vu bombë poshtë makinës në Maltë në tetor të 2017, ndërsa Ján Kuciak e qëlluan për vdekje së bashku me të fejuarën në shkurt të 2018. Në Itali, 10 gazetarë janë nën mbrojtjen e plotë të policisë ditë e natë, ndërkohë që ka edhe shumë të tjerë.
